Argazki bat


Liburu bat
Fernandez, B., Bozas, R.: El Gran Libro de la Pelota (2 ale), Tipografía Artística, Madrid. 1976

Elkarteren bat
Euskadiko Euskal Pilota Federazioa - Postakutxa 136 - 48200 Durango (Bizkaia)
Ligue de Pelote du Pays Basque - 1 Place de Jeu de Paume - 64240 Hazparne (Lapurdi)
Ikaspilota - Gaztela ataria, 101 - 01007 Gasteiz (Araba)

Esaldi bat
" Gure herriaren hizkuntz adierazpena euskara bada, gorputz adierazpena Pilota da" Fco. Javier Caballero (Euskal Pilota Federazioaren lehendakari ohia)
" Lehiaketak ez du pilotan aritzeko modu bakarra izan behar " Joxean Unsain (Ikaspilota arduraduna)

Egun bat
Edozein herritako frontoian edozein egunetan

Data bat
Kautxuaren etorria eta 1.875. urtean, Donostian, lehenengo aldiz ezker pareta erantsiko zaio frontisari.

Esparruren bat
Garai batean estali gabeko herriko frontoiak . Gaur egun, herriko frontoi estaliak.

Funtzio bat
Garai batean trebezia neurtzea eta dirua jolastea. Gaur egun kirola egitea, ikuskizuna bilatzea.

Jatorri bat
Artzainen jolasa paleolitikotik.

Jokatzeko era federatuak
Joko zuzenak: Plaza librean: Bote luzea, laxoa, errebotea. Trinketean: pasaka
Blekako jokoak: Plaza librean: Eskuz, pala motza, paleta larruz, paleta gomaz, joko garbia, xistera. Trinketean: Eskuz, paleta larruz, paleta gomaz, paleta argentinaz, xarea. Frontoi laburra: Eskuz, paleta motza, paleta larruz, paleta gomaz, joko garbia. Frontoi luzea: Pala, zesta punta, erremontea.

Desafio bat
1770. urtean Alduden jaiotako "Perkain" pilotari trebea, Baionako auzitegitik ihes egiteko, Nafarroan gordetzen zen. "Curutchet-ek" desafioa luzatu zion Alduden bertan laxoa partidua jolasteko Irabazi ondoren atxilotzen saiatu zen poliziari pilotakada bat bota eta berriz ihes egin zuen. Hortik aurrera inork ez zuen Perkain ikusi ezta bere hilobia ere.

Dinastiaren bat
Abrego, Arano, Atano, Begoñes, Dongaitz, Etxabe...

Mitologiako bat
Pilotari batzuk Murumendin pilotan ari omen ziren. Jentil bat joan omen zitzaien eta galdetu omen zien:
- Zer egiten duzue hemen ?
- Pilotan jokatu, erantzun omen zien.
- Harri hau zertarako da ?
- Sakea egiteko
- Ez da txarra pilotan eran botatzeko.
Esku artean hartu eta, indar handiz, Aralar aldera bota omen zion. Harria airean bi puska egin. Bat Gazteluko haizpea da eta bestea Alotzan dago. Alotzakoa ez da txantxetakoa eta artzainek saltarri esaten diote. (J.M. Barandiaran bildua. Ataungo J.M. Auzmendik kontatua 1919)

Esaera bat
Gazteak hankak arin ta burua arinago

Abesti bat
Haurrak ikastazue
euskaraz mintzatzen
ongi pilotan eta
onezki dantzatzen.